Næstkomandi sunnudag, 30. nóvember kl. 14.00 mun Halla Bogadóttir fyrrverandi formaður Félags íslenskra gullsmiða leiða spjall með tveimur formönnum félagsins, Dóru Jónsdóttur sem var fyrsti kvenkyns formaður félagsins og Örnu Arnarsdóttur sem er núverandi formaður. Lögð verður áhersla á að segja frá félaginu og gildi þess að halda afmælissýningar líkt og Prýði.

Á sýningunni eru gripir eftir 40 gullsmiði sem voru gefnar frjálsar hendur að smíða fyrir sýninguna eða velja úr eigin safni.  Gullsmiðirnir eru á ólíkum aldri, þeir sem unnið hafa við fagið í áratugi og byggt upp atvinnurekstur og tekið til sín lærlinga, svo og yngra fólk sem sýnir við hlið meistara sinna og hefur á síðustu árum skapað sér nafn og sérstöðu með þátttöku í fjölda sýninga og rekstri vinnustofa eða verslana.