Fréttir

FYRIRLESTRAR og SMÁSTUNDAMARKAÐUR verða í Hönnunarsafni Íslands fimmtudaginn 22. ágúst nk. Regína Bjarnadóttir, þróunarhagfræðingur og framkvæmdarstjóri Auroru velgerðasjóðs segir frá tildrögum og mótun verkefnisins Sweet Salone. Guðbjörg Káradóttir leirkerasmiður og þátttakandi í Sweet Salone flytur fyrirlestur undir yfirskriftinni LISTIN AÐ FERÐAST OG LEIRA Í LEIÐINNI.

Sweet Salone er samstarfsverkefni íslenskra hönnuða, Auroru velgerðasjóðs og handverksfólks í Sierra Leone. Verkefnið varð til að frumkvæði Auroru Velgerðasjóðs árið 2017. Markmiðið er að skapa tækifæri og atvinnu fyrir handverksfólk í Sierra Leone samtímis því að víkka sjóndeildarhring allra þeirra sem taka þátt. Útkoman er einstakt verkefni og ævintýri þar sem vinátta, hönnun, handverk, sjálfbærni og viðskipti haldast í hendur.

Lesa áfram

MORRA
Fatahönnuðurinn Signý Þórhalldóttir kemur sér fyrir með vinnuaðstöðu í safnbúð Hönnunarsafns Íslands og mun halda áfram að þróa vörulínu sína MORRA. Innflutningspartýið verður haldið þann 17. júní nk. kl. 14. 17. júní hátíðarhöld Garðabæjar verða haldin á Garðatorgi og því verður líf og fjör á torginu. Frítt verður inn á Hönnunarsafnið og því tilvalið að kíkja.

Í dag samanstendur MORRA af silkislæðum og veggmyndum á pappír þar sem íslenska flóran er í aðalhlutverki, og nú munu nýjar vörur bætast við í sumar.

Lesa áfram

SAFNIÐ Á RÖNGUNN
Skráning á keramiksafni
OPNUN á laugardaginn 25. maí kl. 15:00.

Anna Eyjólfsdóttir myndlistarmaður hóf söfnun á leirmunum eftir íslenska listamenn árið 1979. Árið 2017 samanstóð safnið af tæplega 2000 gripum, sem spanna tímabilið frá 1932 til dagsins í dag. Þetta er stærsta einstaka keramíksafn landsins. Hönnunarsafn Íslands eignaðist það með styrk frá Blá Lóninu.

Lesa áfram

Paolo Gianfrancesco, arkitekt, verður með leiðsögn um sýninguna Borgarlandslag laugardaginn 18. maí kl. 13.00.
Sýningin samanstendur af 100 borgarkortum sem Paolo hefur útfært og hannað. Með því að sýna saman kort af öllum höfuðborgum Evrópu og stærstu borgum í fylkjum Bandaríkjanna gefst yfirsýn sem ekki er möguleg á Google Maps eða með því að fletta í bók, ekki einu sinni með því að ferðast.
Borgir eru svo sannarlega magnað sköpunarverk. Leiðsögnin fer fram á ensku. Frítt er inn á safnið á Alþjóðlega safnadaginn 18. maí.

Lesa áfram

Serbneskt boð innblásið af Belgrad í tengslum við sýninguna Borgarlandslag í Hönnunarsafni Íslands eftir Paolo Gianfrancesco verður föstudaginn 10. maí 2019, kl. 20:00 - 22:00.

Jelena Ciric leiðir gesti um sögu Belgrad og Serbíu með söng og tónlistarflutningi ásamt Margréti Árnadóttur á harmónikku, allt frá dögum Tyrkjaveldisins til dagsins í dag. Gestum er einnig boðið að flögra um sýninguna undir leiðsögn Paolo Gianfrancesco, með serbnesku smáréttaívafi.

Heiðursgestur: Jelena Ciric, tónlistarkona og lagahöfundur er fædd í Serbíu, ólst upp í Kanada og bjó á nokkrum stöðum í heiminum áður en hún settist að á Íslandi árið 2016.

Meðleikari: Margrét Arnardóttir á harmónikku.

Veitingar: Andrea Stojanovic, kokkur og varaformaður Serbneskar Menningarmiðstöðvar á Íslandi.

Veislustjóri: Hlín Helga Guðlaugsdóttir, einn sýningarstjóra sýningarinnar.

Lesa áfram

ATTENZIONE!
Ítalskt matarboð innblásið af Róm í tengslum við sýninguna Borgarlandslag verður í Hönnunarsafni Íslands, föstudaginn 26. apríl 2019, kl. 19:00 - 22:00.

Heiðursgestur: Paolo Gianfrancesco, arkitekt og höfundur Borgarlandslags.
Veitingar: Carlos Horacio Gimenez, yfirkokkur veitingastaðarins Apótek.
Veislustjóri: Hlín Helga Guðlaugsdóttir, einn sýningarstjóra sýningarinnar.
Aðgangseyrir: 8.900 kr.
Hámarksfjöldi er 24.

Miða fyrir matarboðið er hægt að nálgast á midi.is Vinsamlega kynnið ykkur áfastan seðil, ekki er boðið upp á aðrar veitingar.

RÓM í REYKJAVÍK
Fordrykkur: Ítalsk-íslenska ginið Himbrimi bregður sér í aperitivo búning.
Saga Borgarlandslags: Leiðsögn um sýninguna með áherslu á Róm.
Íslenskt hráefni öðlast ítalskt líf í höndum Carlos Horacio Gimenez:

Lesa áfram

Opnunartími Hönnunarsafns Íslands um páskana er eftirfarandi:

Skírdagur opið frá kl. 12 - 17
Föstudagurinn langi, lokað.
Laugardagur opið frá kl. 12 - 17
Páskadagur, lokað.
Annar í páskum, safnið er lokað á mánudögum.

Gleðilega páska!

Lesa áfram

Paolo Gianfrancesco, arkitekt, verður með leiðsögn um sýninguna Borgarlandslag sunnudaginn 14. apríl kl. 13.00 í Hönnunarsafni Íslands. Sýningin samanstendur af 100 borgarkortum sem Paolo hefur útfært og hannað.

Með því að sýna saman kort af öllum höfuðborgum Evrópu og stærstu borgum í fylkjum Bandaríkjanna gefst yfirsýn sem ekki er möguleg á Google Maps eða með því að fletta í bók, ekki einu sinni með því að ferðast. Borgir eru svo sannarlega magnað sköpunarverk.

Leiðsögnin fer fram á ensku. Aðgangseyrir að safninu gildir.

Lesa áfram

Í tengslum við sýninguna Borgarlandslag stendur Hönnunarsafn Íslands fyrir fyrirlestrum undir yfirskriftinni "Listin að ferðast". Arkitektinn Massimo Santanicchia ríður á vaðið en hans uppáhalds ferðamáti er að ganga.

Fyrirlesturinn hans fer fram fimmtudaginn 4. apríl kl. 17:30 í Hönnunarsafni Íslands á Garðatorgi. Fyrirlesturinn er óður til jarðarinnar og borganna. Að ganga býður upp á andrúm til umhugsunar, tíma til að taka inn umhverfið, skynja mannlífið, fegurðina sem og þær ógnir sem við stöndum frammi fyrir. Það er svo geggjað að ganga.

Fyrirlesturinn fer fram á ensku og aðgangseyrir að safninu gildir.

Lesa áfram

Velkomin á opnun laugardaginn 23. mars kl. 18:00. Þá opna samtímis sýningarnar Borgarlandslag og Veðurvinnustofa. Bragðlaukarnir fá að ferðast um víðan völl þegar við skálum fyrir HönnunarMars 2019. Það sem sýningarnar eiga sameiginlegt er að hráefni hönnuðanna eru stafrænar upplýsingar sem þau umbreyta í myndrænt form.

Lesa áfram