Eitthvað fyrir Gluggagægi?

Jóladagatal Hönnunarsafns Íslands verður opnað á hverjum degi í desember fram að jólum. Í anddyri safnsins breytum við glugga í jóladagatal og sýnum einn hlut úr safneigninni á dag. Enginn veit hvað mun birtast kl. 12:00 á hádegi hvern dag.

Í tilefni af 100 ára afmæli kosningaréttar kvenna verður jóladagatalið tileinkað konum í ár. 

Þeir sem missa af því að skoða hlutinn í glugganum geta skoðað hann og upplýsingar um hann á heimasíðu safnsins eða á facebook. Þar munu þeir birtast einn og einn fram að jólum.

 

Ókeypis aðgangur 5. desember

Ljósin á jólatrénu í Garðabæ verða tendruð þann 5. desember og þá bjóðum við upp á ókeypis aðgang í Hönnunarsafn Íslands frá kl. 12-17.

Verið velkomin á sýningarnar Geymilegir hlutir og Safnið á röngunni.

 

Hádegisleiðsagnir á föstudögum í desember kl. 12:15

Á föstudögum í desember kl. 12:15 verður boðið upp á leiðsagnir um sýninguna Geymilegir hlutir . Hver leiðsögn tekur um hálftíma.