Næstsíðasta sýningarhelgi - leiðsögn sunnudag 15. feb. kl. 14

sunnudagur, 15 febrúar, 2015 - 14:00 - 14:45
Næstsíðasta sýningarhelgi - leiðsögn sunnudag 15. feb. kl. 14

Sunnudaginn 15. febrúar kl. 14:00 verður Þóra Sigurbjörnsdóttir sérfræðingur safnsins með leiðsögn um sýninguna Ertu tilbúin frú forseti?

Á sýningunni er til sýnis bæði fatnaður og ýmsir fylgihlutir fyrrum forseta Íslands, frú Vigdísar Finnbogadóttur, frá embættistíð hennar 1980-1996.

Á 16 ára farsælli forsetatíð sinni ruddi Vigdís ekki aðeins braut kvenna til nýrra metorða í vestrænum samfélögum, heldur stóð hún frammi fyrir því að móta hefð um klæðaburð fyrir konu í slíku embætti. Vigdís var alla tíð mjög eftirsótt og hún þurfti stöðugt að huga að klæðnaði fyrir ólík tækifæri, vinna sem bættist við annan eril í starfi forsetans og aðstoðarfólks hennar. 

Sýningunni lýkur um næstu helgi, sunnudaginn 22. febrúar.

Myndin sem fylgir, er af Vigdísi að stíga út úr bíl á Manhattan í New York 1981. Birt með leyfi Gunnars Elíssonar ljósmyndara.