Hönnunarsafni Íslands barst nýverið vegleg gjöf frá sænska húsgagnaframleiðandanum Swedese Möbler,   þrjú fatahengi, eftir hönnuðina Katrínu Ólínu Pétursdóttur (f. 1967) og Michael Young (f. 1966). Innflutnings- og söluaðili fatahengisins á Íslandi, verslunin Epal, greiddi fyrir flutningi gjafarinnar til safnsins. Fatahengin eru orðin vel þekkt og þau má víða sjá í umfjöllunum og auglýsingum um nýlega hönnun, hvort sem þar er verið að fjalla um alþjóðlega alþjóðlega hönnun eða norræna, en Tree Coat Hanger var hannað árið 2001 og hefur verið framleitt frá 2003.